3 Magan-galyodoon oo ku dhintay biyo saddexdii bilood la soo dhaafay

Hay ada dhexe ee qaabilaad magangalyodoonka Nederland ee marka la soo gaabiyo loo yaqaan (COA) het Centraal Orgaan opvang Asielzoekers ayaa walaac ka muujisay ka dib markii saddex magangalyo doon u yimid Nederland oo ku xaraysnaa xeryaha ay hay ada maamusha biyo ay u rabeen in ay ku dabaashaan iyagoo aan dabaal aqoon.

Hay ada ayaa qaylodhaan ku dhufatay soona jeedisay in magangalyo doonka xeryaha ay maamusho ku jira la baro dabaasha si ay naftooda u badbaadiyaan. Hay ada COA iyo hay ado kale oo Nederlandees ah ay iska kaashan doono sidii loo hirgelin lahaa qoraal ku tarjuman luqado kala gedisan oo lagu soo bandhigi doono meelaha u dhow biyo mareenada wabiyada iwm.

 

Digniinaha ku qorana luqadaha kala gedisan ayay hay adaha iska kaashan doonaan laguna soo bandhigi doono boorar loogu digaayo dadka soo galootiga ah in lagu wargeliyo luqadooda khatarta ay leedahay in wabiyada iyo biyo mareenada wadanka kala gedisan, maadaama Nederland uu yahay wadan leh biyo mareeno wabiyo iyo badba.

Wadamo badan oo dadka magangalyo doonka xeryaha qaxootiga loogu talagalay ayaa badankood ka yimid wadamo aan dabaasha qiimo iyo ahmiyad weeyn aysan lahayn.  Luqadaha la sheegay in lagu soo bandhigi doono sida   lagu faafiyey warbaahinta Nederland ay kala yihiin Carabi, Ingiriis, Jarmal iyo Boolish.

 

Luqada afka Soomaaliga lama sheegin in ay ka mid tahay luqadaha Soomaaliga digniinaha khatarta ay leedahay gelida wabiyada,kanaalada iyo badaba iyadoo qofka galaya uusan dabaasha aqoon iyo khataraha kale ee hirarka biyaha  ay keeni karaan haddii uusan qofku ka feejignaan.

Xiriir la leh qormadaan:

Xigasho ilaha warka

  • De Telegraaf.
  • Metro

Baro xarfaha  eray bixin.

Magan galyodoon = asielzoeker